Ish kryetari i bashkise dhe kandidati per deputet i PD Zef Hila, ishte nje prej subjekteve te hetimit te thelluar nga prokuroria, bazuar ne denoncimet e bera nga Partia Socialiste dhe disa media. 
(
Organi pergjegjes deklaroi me 20 prill se Prokuroria e Përgjithshme në zbatim të ligjit “Për garantimin e integritetit të personave që zgjidhen, emërohen ose ushtrojnë funksione publike”, vendimit nr. 17/2016 të Kuvendit të Republikës së Shqipërisë, si dhe urdhrit të Prokurorit të Përgjithshëm përfundoi verifikimin për subjektin vetëdeklarues Zef Hila, kandidat në zgjedhjet parlamentare të 25 prillit dhe ia përcolli organit kompetent, në këtë rast Komisionit Qendror të Zgjedhjeve rezultatet e verifikimit, për të shqyrtuar nëse janë evidentuar të dhëna që përfshihen në sferën e kufizimeve dhe në vijim dhe të vlerësojë nëse ato janë brenda periudhës së ndalimit të përcaktuar në ligj.
Sektori i Dekriminalizimit në Prokurorinë e Përgjithshme është në komunikim të vazhdueshëm me të gjitha institucionet e përfshira në këtë proces dhe po trajton të gjitha kërkesat e përcjella, për verifikim të thelluar e të plotë të të dhënave të pasqyruara në Formularët e Vetëdeklarimit nga personat, subjekte të këtij ligji që garojnë për zgjedhjet parlamentare të 25 prillit.
Komisioni Qendror i Zgjedhjeve ka saktësuar se bëhet fjalë për kandidatin Zef Kin Hila, i cili kandidon nën siglën e Partisë Demokratike në qarkun Shkodër. Sipas dokumentit të publikuar nga KQZ, të nënshkruar nga prokurori Olsian Çelaj, kandidati Zef Kin Hila nuk rezulton të ketë problematika. Sipas prokurorisë, kandidati Hila nuk rezulton të ketë bërë ndërhyrje në gjendjen civile. Nuk rezulton i dënuar me formë të prerë, po ashtu nuk rezulton i ndaluar apo i arrestuar.
