Formularët e dekriminalizimit – 61 kryetarët e bashkive 2023-2027

Në funksion të projektit “Promovimi i llogaridhënies së zyrtarëve të zgjedhur”, i mbështetur nga National Endowment for Democracy (NED) dhe realizuar nga Institutit i Studimeve Politike (ISP), po publikojmë formularët e dekriminalizimit për 61 kryetarët e bashkive, të dalë nga zgjedhjet vendore të datës 14 maj 2023.

Disa prej kryetarëve janë me mandate të dyta ose të treta, pra kanë formularë të përsëritur publik të dekriminalizimit, pjesa e ardhur për herë të parë në funksion publikon formularët për herë të parë. ISP do të monitorojë të dhënat e formularëve dhe informacionet e ndryshme raportuese ose denoncuese që mund të vijnë për rekordet e kryetarëve të bashkive lidhur me saktësinë e të dhënave të deklaruara në formularë, si dhe në çdo rast do të jetë në komunikim me KQZ dhe Prokurorinë për ndjekjen e problematikave.