Vetingu në drejtësi po vijon, SPAK është lajmi kryesor në ligjërimin publik, ndërkohë që partitë politike po mbajnë zgjedhje të brendshme në funksion të vitit të ardhshëm elektoral: ato kanë premtuar standarde integriteti për kandidatët e tyre, por sa respektohen ato standarde.
- A ka ndjeshmëri dhe aftësi politika të ofrojë modele pozitive integriteti? A kemi kandidatë dhe zyrtarë me integritet që nuk kanë probleme me dekriminalizimin, korrupsionin, abuzimin apo sjelljen jodemokratike?
- Cilat janë pasojat e përfshirjes politike dhe në pozita zyrtare të individëve që kanë rekorde negative penale apo informale?
- Cili është përceptimi që vjen nga brezi i ri, pritshmëria e tyre dhe sa kërkues janë ata ndaj elitës politike dhe zyrtarëve vendimmarrës?
- Cili është roli që mund të luajnë të rinjtë, – një këndvështrim nga Gjirokastra, – një qytet universitar, por i përfshirë ndjeshëm në fenomenet e migrimit të shumëfishtë.
Stafi i Institutit të Studimeve Politike (ISP) ishte në Gjirokastër, në diskutim me të rinjtë aktivë, për të debatuar mbi cështje të tilla dhe për të ndarë gjetjet tona nga analizat dhe sondazhet, monitorimi dhe vlerësimi i problematikave të dekriminalizimit, si dhe për të marrë reagimin e tyre nga këndvështrimi rinor dhe lokal.
Një diskutim konstruktiv dhe aktiv, aktivitet që bëhet në kuadër të projektit “Promovimi i llogaridhënies së zyrtarëve të zgjedhur” mbështetur nga NED (National Endowment for Democracy).
https://www.linkedin.com/feed/update/urn:li:activity:7195701140590587906/
