Gjykata e Posaçme e Shkallës së Parë për Korrupsion dhe Krimin e Organizuar,me vendimin nr. 32, datë 01.12.2020, ndër të tjera, ka vendosur: “1. Deklarimin fajtor të të pandehurit Luan Daci, për kryerjen e veprës penale të “Falsifikimit të dokumenteve “, të parashikuar nga neni 186/1 i KP dhe dënimin e tij me 6 (gjashtë) muaj burgim. Në bazë të nenit 63 të K.Penal urdhërohet pezullimi i ekzekutimit të dënimit me burgim me kusht që i pandehuri të mos kryejë vepër tjetër penale brenda një afati prove prej 12 muajsh.
Veprimet e kryera nga ana e shtetasit Luan Daci, duke mospërmendur në CV dhe në aktivitetin profesional faktin se ka ushtruar funksionin e gjyqtarit për rreth tre vjet, madje edhe funksionin e Nënkryetarit të Gjykatës së Rrethit Gjyqësor Tiranë, si dhe deklarimi i rremë i këtij shtetasi në seancën dëgjimore të komisionit ad hoc në Kuvendin e Shqipërisë të datës 02.06.2017, ku ka shpjeguar se nga detyra e gjyqtarit ai është larguar me dorëheqje, konfirmojnë faktin se rrethana e rremë e deklaruar prej tij në kërkesën e datës 03.02.2017 në pikën (f) të saj, është deklaruar me dashje direkte dhe me qëllim për të fshehur faktin se ndaj tij është marrë masë disiplinore “largim nga detyra”, e cila nëse do të ishte deklaruar apo do të ishte zbuluar do e skualifikonte shtetasin Luan Daci nga procesi i emërimit të tij si Gjyqtar në Kolegjin e Posaçëm të Apelimit.
Në përfundim të këtij argumentimi, Gjykata çmon se nga provat e marra e të shqyrtuara, krijohet bindja se i pandehuri Luan Daci, për tu promovuar në një nga vendet e lira të shpallura Gjyqtar i Kolegjit të Apelimit; Anëtar i Komisionit të Pavarur të Kualifikimit; Komisioner Publik, në kërkesën e depozituar në Institucionin e Avokatit të Popullit datë 03.02.2017, pasqyroi të dhëna të rreme. Ky pasqyrim në aktin në fjalë u bë me qëllimin e posaçëm shmangien e mundësisë të skualifikimit si kandidat, për shkak të mosplotësimit të kritereve ligjore të parashikuara në nenin 6 pika 1 germa “dh” të ligjit nr. 84/2016. Fakt i largimit nga detyra për shkak të shkeljes së ligjit, nuk iu bë i ditur as anëtarëve të Komisionit të Kuvendit, të cilët mbi pyetjen e drejtuar kandidatit mbi arsyet e largimit, duke ju referuar detyrës që ai kryente në vitin 1997, morën si përgjigje se largimi ishte bërë me dorëheqje (në këtë vit ai kryente detyrën Gjyqtar në Gjykatën e Rrethit Gjyqësor Tiranë).
Si konkluzion, Gjykata vlerëson në këtë rast jemi para ekzistencës së faktit penal, se i pandehuri Luan Daci ka konsumuar elementët e veprës penale të “Falsifikimit të dokumenteve” të parashikuar nga neni 186/1 i Kodit Penal e se ai duhet të deklarohet fajtor për kryerjen e kësaj vepre penale.
Me vendim te tij ne tetor 2021 me dy vota pro dhe nje kunder, Kolegji Penal i Gjykatës së Lartë, bazuar në nenin 433 të Kodit të Procedurës Penale, vendosi mospranimin e rekursit të paraqitur nga kërkuesi Luan Daci kundër vendimit nr. 5, datë 08.03.2021, të Gjykatës së Posaçme të Apelit për Korrupsionin dhe Krimin e Organizuar. Per pasoje gjyqtari Daci humbet mandatin kushtetues, del jashte sistemit te vettingut dhe mbetet ne fuqi denimi i dhene.
Vendimi i plote i shumices dhe mendimi i pakices ne Gjykaten e Larte mund te lexohet ketu:
