Cila është rëndësia e integritetit në politikë?
Cilat janë standardet e mira nga Finlanda dhe Estonia?A mund të shërbejnë modelet perëndimore si modele referuese në realitetin shqiptar?Cili është bilanci i dekriminalizimit?E drejta ligjore dhe e drejta morale, politikanët e inkriminuar apo me rekorde negative integritet duhen larguar përmes forcës (ligjit) apo votës (vullnetit)?A ka kapacitetet shoqëria shqiptare të zgjedhë kandidatë me integritet?A mundet Shqipëria të krijojë një demokraci më konkurruese dhe funksionale, të bazuar në vlera morale dhe standarde integriteti?A përbën demokratizimi i partive një hap thelbësor drejt integritetit?Cili është roli i të rinjve, studentëve dhe shoqërisë civile? Cilat janë sfidat prioritare të Shqipërisë në procesin integrues?
Për këto dhe tema të tjera u diskutua në forumin me studentë të drejtësisë dhe shkencave politike “Integriteti në përfaqësim: praktikat në Shqipëri dhe Finlandë”, zhvilluar në EPOKA University, organizuar në partneritet nga IDEA International, Rule of Law Centre of Finland dhe Instituti i Studimeve Politike (ISP). Referuesit, Prof. Kimo Nuotio, Drejtor i Institutit të Kriminologjisë dhe Studimeve Ligjore të Universitetit të Helsinkit; Zonja Tuija Brax, Drejtore e Rule of Law Centre of Finland, Ish-Ministre e Drejtësisë; Prof. Afrim Krasniqi, drejtues i Instituti i Studimeve Politike; Zonja Elvana Kurti, koordinatore e International IDEA në Shqipëri, si dhe Prof. Lisien Bashkurti, dekan i drejtësisë dhe shkencave sociale diskutuan për 90 minuta me studentë lidhur me tematikat e mësipërme.Për ISP aktiviteti zhvillohet në kuadër të angazhimit në projektin “Promovimi i llogaridhënies së zyrtarëve të zgjedhur”, i mbështetur nga National Endowment for Democracy (NED)
