Dekriminalizimi qe po zbatohet ne Shqiperi, po aplikohet edhe ne disa vende te rajonit, perfshire Kosova. Njoftimi i meposhtem i KQZ Kosove eshte deshmi per kete. Ne dallim nga Shqiperia ku procedura eshte shume e gjate dhe kryesisht skualifikimet kane ardhur pas nje procesi te gjate e kompleks te hetimeve administrative nga KQZ dhe Prokuroria, ne Kosove verifikimi eshte i shpejte dhe KQZ ka autoritetin ta beje kete.
Komisioni Qëndror i Zgjedhjeve në Kosovë ka refuzuar regjistrimin e 160 kandidatëve të 30 partive politike për zgjedhjet lokale.
Zëdhënësi i KQZ-së ka deklaruar në një prononcim për mediat se kandidatët nuk plotësonin kriteret e regjistrimit.
Sipas tij, kandidatët kanë pasur çështje penale të hapura ose janë dënuar gjatë 3 viteve të fundit.
“Janë 160 kandidatë nga lista prej më shumë se 5,200 kandidatësh që kanë kërkuar certifikim nga KQZ, por që kanë së paku një dënim përfundimtar në tri vitet e fundit”, ka deklaruar Valmir Elezi.
Ai u shpreh se momentalisht nuk mund të publikojë emrat e kandidatëve që kanë rezultuar me probleme. Partive politike do u jepet mundësia për të zëvendësuar kandidatët me probleme.
Elezi ka thënë se deri me 8 shtator do të vazhdojnë procedurat e ankesave kur edhe do të hidhët shorti për zgjedhjet lokale.
“Në rast të mos certifikimit të ndonjë kandidati apo subjekti, pala e pakënaqur me vendimin e KQZ-së mund të paraqes ankesë në Panelin Zgjedhor për Ankesa dhe Parashtresa dhe në Gjykatën Supreme. Të gjitha këto çështje, planifikohet të përfundojnë deri më 6 shtator. Kjo do t’i hapte rrugë KQZ-së për të organizuar tërheqjen e shortit për renditjen e subjekteve politike në fletëvotim. Afati i fundit për tërheqjen e shortit është data 8 shtator”.
160 kandidatë nuk lejohen të marrin pjesë në zgjedhje për shkak se kanë probleme me ligjin
