Sipas Subjektit Zgjedhor Koalicioni Aleanca Popullore për Punë dhe Dinjitet, kandidati refuzoi kërkesën e subjektit propozues për të verifikuar në lidhje me të kaluarën e kandidatit për pasjen ose jo të rekordeve kriminale. Edhe pse subjekti propozues nuk ka asnjë provë që të vërtetoj pasjen ose jo të kandidatit të rekordeve kriminale, refuzimi prej tij për ta bërë një gjë të tillë është indicie e mjaftueshme për të dyshuar.
Referuar nenit 67 dhe 72 të Kodit Zgjedhor që një kandidat të kandidoj si i propozuar nga një parti politike apo koalicion zgjedhor duhet të përputhen vullnetet si të kandidatit dhe të subjektit që e përfaqëson. Në këto kushte duke qenë se subjekti propozues i kandidatit, APPD nuk ka më vullnet për të kandiduar si përfaqësues i tij z,. Gentian Muhameti, KQZ duhet të vendos ç’regjistrimin e kandidati për kryetar bashkie Këlcyrë, z. Gentian Muhameti, propozuar nga APPD.
Gjatë shqyrtimit të kërkesës, në seancë u paraqit përfaqësuesi i kandidatit për kryetar të Bashkisë Këlcyrë z. Gentian Muhameti, me prokurë të posaçme nr.1884 Rep, z. Tauland Asllanaj, ku kërkoi rrëzimin e kërkesës së koalicionit Aleanca Popullore për Punësim dhe Dinjitet për tërheqjen e kandidatit për Kryetar Bashkie Këlcyrë z. Gentian Muhameti pasi pretendimi i koalicionit APPD ishte i pa mbështetur në ligj. Kodi Zgjedhor nuk parashikon në asnjë dispozitë të tij të drejtën e një partie politike apo koalicioni zgjedhor që në përfundim të të gjitah procedurave për regjistrimin e kandidatëve, të kërkojë çregjistrimin e tij.
Gjithashtu subjekti propozues i kandidatit Gentian Muhameti nuk paraqiti asnjë provë qoftë për të vërtetuar pretendimet e aluduara në lidhje me të kaluarën e kandidatit.
Përfaqësuesi i kandidatit kërkoi të depozitoj një kopje të çertifikatës së të dhënave të përgjithshme penale, të lëshuar nga Ministria e Drejtësisë Italiane. Sipas kësaj çertifikatë rezulton se kandidati është i padënuar nga shteti Italian.
Për të arritur në një vendimarrje sa më të saktë, KQZ me shkresën nr. 5559, datë 03.06.2015, vendosi të kërkojë të dhëna për Z. Gentian Muhameti, pranë Prokuror i Përgjithshëm, Ministër i Drejtësisë Drejtorisë së Përgjithshëm të Policisë së Shtetit dhe Shërbimit Informativ Shtetëror.
Vendimi i plotë i KQZ lidhur me kandatin për kryetar bashkie Këlcyrë Gentian Muhameti mund të lexohet & shkarkohet këtu:
KQZ – Vendim për çrregjistrimin e kandidatit për kryetar bashkie, Gentian Muhameti
