Nga verifikimi i të dhënave në Formularin e vetëdeklarimit të z. Frederik Fran Vorfi, rezulton se është ndaluar, hetuar dhe gjykuar me vendim gjyqësor të formës së prerë nga autoritetet Zvicerane, Bërn me dëbim nga shteti Zvicerian për 5 vjet, për veprën “Emigracion i paligjshëm” në vitin 1996.
Pas verifikimit të formularit në përputhje me nenin 15, pika 1 të ligjit 138/2015 dhe Kreu VI, pika 6 Kreu V, pika 3, germa b e Vendimit të Kuvendit 17/2016, KQZ me shkresën nr. 562 datë 03.02.2017 vendosi t’ia kaloj rastin për kontroll të thelluar Prokurorisë së Përgjithshme.
Nga “Sektori i Verifikimit të Integritetit të personave që zgjidhen, emërohen ose ushtrojnë funksione publike”, me shkresën nr. 393/1 prot., datë 17.02.2017, i është kërkuar informacion për gjëndjen gjyqësore Drejtorisë së Përgjithshme të Burgjeve, kurse me shkresën nr.1083/10 ex- 16 datë 17.02.2017, i është kërkuar informacion Drejtorisë së Përgjithshme të Gjëndjes Civile. Nga përgjigjet e ardhura dhe verifikimet e kryera rezulton se subjekti z.Frederik Vorfi nuk është dënuar me vendim penal të formës së prerë nga autoritetet gjyqësore shqiptare, këto të dhëna janë pasqyruar dhe në Dëshminë e Gjëndjes Gjyqësore nr.11 datë 22.02.2017 përcjellë nga Drejtoria e Përgjithshme e Burgjeve, referuar së cilës subjekti rezulton “I Padënuar”. Drejtoria e përgjithshme e Gjëndjes Civile me shkresën nr. 1418/1 datë 27.02.2017 ka vënë në dispozicion të dhënat personale të subjektit, nga të cilat rezulton se z. Frederik Vorfi ka të njëjtat gjeneralitete të cilat i ka deklaruar në formularin e vetëdeklarimit.
Mbi këtë bazë KQZ vendosi të shpall të pavlefshëm mandatin e Anëtarit të Këshillit të Bashkisë Mirditë, z. Frederik Vorfi.
Vendimi i plotë i KQZ mund të lexohet & shkarkohet këtu:
