Më datë 7 korrik ish kryetari i bashkisë Vorë, Agim Kajmaku, u dorëzua vullnetarisht në Policinë e Shtetit, duke i dhënë fund procesit të shpalljes së tij në kërkim prej 11.11.2019. Zoti Kajmaku ishte kryetar i bashkisë Vorë, kandidat i Partisë Socialiste. Ai e humbi mandatin e tij me vendim të KQZ, pasi organet zyrtare provuan të sakta akuzat e ardhura nga PD lidhur me rekordet penale dhe shkeljet ligjore në deklar
imet e tij në formularin e dekriminalizimit. Ai ishte kryetari i dytë i një bashkie që humbi mandatin pas zgjedhjeve të qershorit 2019.
Instituti i Studimeve Politike (ISP) monitoron procesin e dekriminalizimit dhe jetësimit të tij nga institucionet shtetërore dhe partitë politike. Në këtë kuadër e ka monitoruar rastin në fjalë dhe reagimin e institucioneve të përfshira. Përvoja të tilla janë një shtysë dhe argument për të përforcuar standardet dhe mekanizmat etik të përzgjedhjeve në partitë politike, për të mbështetur më shumë Prokurorinë në hetimin e çdo pretendimi, për rishikim të praktikave verifikuese dhe vendimmarrëse të KQZ dhe për nevojën që publiku/zgjedhësit të kenë informacione shumë më të detajuara për kandidatët që u paraqiten në zgjedhje. Individët me rekorde kriminale/penale duhet të shmangen nga postet e larta politike e publike, në përputhje me ligjin, si dhe partitë politike duhet te distancohen në çdo kohë nga kandidatë të tillë.
Nga ana tjetër, qëndrimi në kërkim i politikanit rreth 8-9 muaj meriton një hetim serioz për organet e Policisë së Shtetit, në mënyrë që praktika të tilla me dy standarde të evitohen maksimalisht në të ardhmen.
ISP
