Ne raportin vjetor ne Keshillin e Larte te Prokurorise (KLP) drejtuesi i SPAK, prokurori Dumani deklaroi:
“Sa i takon luftës kundër korrupsionit, janë hetuar një numër i konsiderueshëm zyrtarësh të lartë. Gjatë 2024, janë nën hetim 33 ish zyrtarë të lartë, dy prej tyre në dy procedime të ndryshme, Nga këto, 19 janë dërguar për gjykim në gjykatë duke përfaqësuar 52.9% të rasteve.
Në vitin 2024, janë 10 funksionarë të lartë publikë për të cilët ka pasur vendime të formës së prerë. Nga ana tjetër, numri i personave të dërguar në gjykatë përbën rreth 35.2% të totalit të individëve në hetim. Hetimet e vitit 2024, tregon se korrupsionit i zyrtarëve të lartë zhvillohet me skema të sofistikuara dhe faktorë si ndikimi institucional, përfshirja e rrjeteve kriminale dhe pastrimi i parave.
Ritje ka shënuar edhe numri i procedimeve për veprën penale për pastrim parash, rritje me 34%, krahasuar me vitin paraardhës, rritje në masën 34% ndërkohë që krahasuar me 2021 këto procedime janë trefishuar.
Gjatë 2024, konstatohen 132 hetime të filluara me kallëzime nga individë dhe institucuione”, tha Dumani teksa më tej theksoi se kallëzimet e qytetarëve janë rritur ndjeshëm dhe kjo tregon se ata kanë besim te Prokuroria e Posaçme, ndërkohë që kallëzimet që janë bërë nga Policia e Shtetit kanë shënuar ulje.
“Kallëzimet e nisura nga qytetarët janë tregues i rritjes së besimit ndaj SPAK. Ndërsa vihet re ulja e numrit të kallëzimeve nga Policia e Shtetit”, theksoi Dumani.
Në vijim Dumani listoi dhe problematikat me të cilat struktura që ai drejton po përballen, ndërkohë që ka theksuar disa prej tyre janë trashëguar ndër vite.
Sipas kreut të SPAK, një ndër problemet shqetësuese është presioni i jashtëm ndaj institucioneve, gjendur shpesh edhe mes sulmeve dhe debateve, ndërkohë që mbetet shqetësuese edhe mosekstradimi i shtetasve shqiptarë nga Emiratet e Bashkuara.
Problemet me të cilat struktura e posaçme është përballur sipas Dumanit:
1. Presioni i jashtëm ndaj institucionit, gjendur shpesh mes sulmeve e debateve.
2. Përcaktimi i statusit të prokurorëve pas mbarimit të mandateve.
3. Mungesa e këahilltarëve ligjore.
4. Numri i ulët e referimëve nga instit publike.
5. Krijimi i njësisë së analizës.
6. Mosekstradimi i shtetasve shqiptarë nga Emiratet e Bashkuara, duke marrë në konsideratë edhe shtimin e personave që duhen ekstraduar nga Emiratet.
