Nga verifikimi i të dhënave në Formularin e vetëdeklarimit të Z. Robert Dajani, në cilësinë e anëtarit të këshillit të bashkisë Malësi e Madhe, rezulton se është dënuar (2) dy vjet e (6) gjashtë muaj burgim për veprën penale neni 283/2 “Prodhim dhe Shitjes së Narkotikëve”.
Nga shqyrtimi i vërtetimit të gjendjes gjyqësore, të lëshuar nga Drejtoria e Përgjithshme e Burgjeve, rezulton se z. Robert Dajani “Në bazë të vendimit nr.124 dt.27.03.2007 të Gjykatës së Rrethit Gjyqësor Shkodër është deklaruar fajtor për veprën penale “Prodhim dhe Shitjes së Narkotikëve” dhe në bazë të nenit 283/1 të Kodit Penal e dënon me (2) dy vjet e (6) gjashtë muaj burgim. Referuar germës a, të pikës 1 të nenit 2, të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, ndalimet për kandidimin, zgjedhjen apo ushtrimin e funksionit zbatohen ndaj personave të cilët janë dënuar me burgim me vendim të formës së prerë për kryerjen me dashje të një krimi, brenda apo jashtë territorit të Republikës së Shqipërisë, për kryerjen e veprimeve apo mosveprimeve që përbëjnë vepër penale, sipas neneve 73, 74, 75, 76, 77, 78, 78/a, 79, 79/a, 79/b dhe 79/c, 86, 87, 88 paragrafi i dytë, 89/a, 100, 101, 102, 102/a, 103, 104, 105, 106, 109, 109/b, 109/c, 110/a, 111, 114, 128/b, 135,136, 140, 141, 143/a, 215, 216, 217, 218, 219, 220, 221, 222, 230, 230/a, 230/b, 230/ç, 231, 232, 232/a, 232/b, 233, 234, 234/a, 234/b, 278 paragrafin e parë, të pestë e të gjashtë, 278/a, 282/a, 283, 283/a, 284/a, 287 i lidhur me kryerjen e një krimi të parashikuar në këtë paragraf, 333, 333/a e 334 të Kodit Penal.
Vepra penale “Prodhim dhe Shitja e Narkotikëve”, parashikuar nga neni 283, i Kodit Penal, përfshihet, në fushën e ndalimit të ushtrimit të funksionit, të parashkuar të nenit 2, pika 1, germa a e ligjit nr.138/2015.
Mbi këtë bazë KQZ vendosi të shpall të pavlefshëm dhe përfundimin e parakohshëm të mandatit të anëtarit të këshillit të Bashkisë Malësi e Madhe z. Robert Pashko Dajani.
Vendimi i plotë i KQZ mund të lexohet & shkarkohet këtu:
