Komisioni Qendror i Zgjedhjeve ben raportimet vjetore ne Kuvendin e Shqiperise. Ne raportin e fundit per vitin 2021 nje vend te rendesishem zune informacionet e detajuara mbi procesin e dekriminalizimit dhe pergjegjesite e KQZ ne kete drejtim.
Sipas Raportit Ligji nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”, u zbatua në të gjitha vendimmarrjet e Komisionit Qendror të Zgjedhjeve për vitin 2021. Ligji përmban dispozita të cilat garantojnë integritetin e figurës së kandidatëve, duke ndaluar kandidimin për t’u zgjedhur në funksione publike të deputetit, kryetarit të bashkisë ose anëtarit të këshillit bashkiak, të personave të cilat kanë kryer veprime ose mosveprime që përbëjnë vepër penale, sipas disa dispozitave të cituara në mënyrë shteruese në këtë ligj. Komisioni Qendror i Zgjedhjeve ka verifikuar 1841 (njëmijë e tetëqind e dyzet e një) kandidatë për deputet, 66 (gjashtëdhjetë e gjashtë) kandidatë për anëtarë këshilli bashkiak, 2 (dy) deputetë, 2 (dy) anëtarë të Këshillit të Ministrave. Janë tërhequr nga marrja e mandatit me kërkesë të tyre, disa me deklaratë noteriale, me dorëheqje drejtuar këshillit bashkiak ose KQZ, 19 (nëntëmbëdhjetë) kandidatë nga të cilët 16 (gjashtëmbëdhjetë) gra dhe 3 (tre) burra.
Janë kryer verifikime për 1841 (njëmijë e tetëqind e dyzet e një) kandidatë për deputet, si rezultat i zgjedhjeve për Kuvend të datës 25 Prill 2021, nga të cilët 732 (shtatëqind e tridhjetë e dy) gra dhe 1109 (njëmijë e njëqind e nëntë) burra. Nga verifikimet rezultoi se: 64 (gjashtëdhjetë e katër) kandidatë kishin deklaruar dënime/masa/dëbime; 1777 (një mijë e shtatëqind e shtatëdhjetë e shtatë) kandidatë nuk kishin deklaruar asnjë dënim; si dhe 1 (një) kandidat rezulton me masë në fuqi; Ido Muharrem Pashaj, kandidat për deputet i Koalicionit Aleanca Bashkimi Popullor Emigracioni-Ora e Shpresës dhe Konservatorët, qarku Fier, ka deklaruar në FVD që ndaj tij është caktuar masë shtrënguese e sigurisë, ndalim i daljes jashtë shtetit për arsye dokumentacioni, masë e cila është aktualisht në fuqi, u konstatua që në momentin e verifikimit prima facie, si dhe 23 (njëzet e tre) kandidatë kanë qenë të dënuar/dëbuar jashtë vendit.
Nga verifikimet e listave te kandidateve rezultoi gjithashtu se 42 (dyzet e dy) kandidatë nuk kanë deklaruar dënime/masa/dëbime, por rezultojnë të dënuar sipas Drejtorisë së Përgjithshme të Burgjeve, nga të cilët 11 (njëmbëdhjetë) i përkasin partive që kanë marrë mandat në zgjedhjet për Kuvend të datës 25 Prill 2021 dhe 31 (tridhjetë e një) i përkasin partive të cilat nuk kanë fituar asnjë mandat.
Lidhur me keshilltaret lokale gjate 2022 jane gjithsej 72 (shtatëdhjetë e dy) formularë vetëdeklarimi të depozituara në KQZ, nga te cilet 1 (një) prej kandidatëve për anëtar në këshillin bashkiak, ka deklaruar në formularin e vetëdeklarimit masë sigurimi personal “Arrest me burg”, të revokuar, i cili është dërguar për verifikim të thelluar në Prokurorinë e Përgjithshme, si dhe 21 (njëzet e një) kandidatë për anëtarë në këshillat bashkiak, kanë deklaruar/rezultuar në formularin e vetëdeklarimit ndryshime në gjenealitete;
Respektivisht kandidatët për anëtar të zëvendësuar me vendimet përkatëse të KQZ-së përgjatë vitit 2021 janë 36 (tridhjetë e gjashtë) gra dhe 29 (njëzet e nëntë) burra.
Nuk kanë dorëzuar formularët e vetëdeklarimit 33 (tridhjetë e tre) kandidatë për anëtar në këshillat bashkiakë, pas njoftimit me shkresë nga Komisioni Qendror i Zgjedhjeve çka vlerësohet si refuzim në kuptim të ligjit.
Nga vakancat e ardhura kemi 24 (njëzet e katër) raste papajtueshmërie me funksionin e anëtarit të këshillit bashkiak, nga të cilat 11 (njëmbëdhjetë) gra dhe 13 (trembëdhjetë) burra.
Janë tërhequr nga marrja e mandatit me kërkesë të tyre, disa me deklaratë noteriale, me dorëheqje drejtuar këshillit bashkiak ose KQZ, 19 (nëntëmbëdhjetë) kandidatë nga të cilët 16 (gjashtëmbëdhjetë) gra dhe 3 (tre) burra.
Nga plotësimi i vakancave të krijuara në këshillat bashkiak gjatë vitit 2021, aktualisht kanë shteruar listat shumemërore të kandidatëve për anëtarë në këto bashki:
- Listat shumemërore të kandidatëve për anëtarë të Partisë Socialiste të Shqipërisë në Bashkinë Kuçovë, Belsh, Lushnjë, Roskovec, Kavajë dhe Vlorë.
- Listat shumemërore të kandidatëve për anëtar të Partisë së Gjelbër në Bashkinë Belsh.
