“Kush shkel Kodin e Etikës humbet mbështetjen politike dhe përjashtohet nga çdo post në Partinë Socialiste”. Statuti bën të qarta sanksionet në rast shkelje për çdo anëtar të PS-së. Në të thuhet se Partia ka Kodin e Etikës, në të cilin përmblidhen kriteret e komunikimit dhe marrëdhënieve etike brenda strukturave të partisë dhe në komunikimin me zgjedhësit, standardet e integritetit moral dhe etik që duhet të përmbushë çdo kandidat gjatë ushtrimit të mandatit të tij si përfaqësues i Partisë Socialiste për organet qendrore e vendore të partisë dhe ato të qeverisjes. Te njejtat rregulla dhe deklarime gjenden edhe ne dokumentet e PD dhe LSI. Nga monitorimi i akteve te partive respektive prej ekipit monitorues te Institutit te Studimeve Politike (ISP), monitorim qe behet ne kuader te projektit mbi integritetin ne partite politike dhe vendimmarrjen, mbeshtetur nga NED, rezulton se, si ne rastin e anetarit te keshillit bashkiak Tirane te arrestuar ne rastin e trafikut te droges edhe ne rastin e 6 komisionereve, partite vijojne te ndjekin standarde te kunderta nga parimet dhe standardet e shkruara. Partite politike qe ata perfaqesojne kane rregulla te brendshme statutore dhe etike, sipas te cilave kur ka akte ne shkelje ligji, akte e veprime qe demtojne integritetin dhe imazhin e forces politike, raste qe penalizohen nga organet ligjzbatuese, etj, forca politike ben distancimin dhe perjashtimin e tyre, akt qe nuk ka ndodhur ende ne asnjeren prej tri partive, emertese e te cilave jane keshilltaret, zyrtaret dhe komisioneret e akuzuar nga Prokuroria.
Rasti ilustrues? Me shume se nje vit nga zgjedhjet parlamentare jane arrestuar disa komisionere (6) te akuzuar per tjeterrsim te votave gjate numerimit. Specialistët për Hetimin e Krimit Ekonomik dhe Financiar në Drejtorinë Vendore të Policisë Elbasan bënë ekzekutimin e masës së sigurisë “Arrest në burg”, për veprën penale “Falsifikimi i materialeve zgjedhore dhe i rezultatit të zgjedhjeve”. Sipas Policisë, “nga veprimet hetimore dyshohet se ky shtetas, në bashkëpunim me 6 shtetas të tjerë të ndaluar më parë, të cilët kanë pasur si detyrë numërimin e votave, gjatë procesit zgjedhor të datës 25.04.2021, ka shënuar në tabelat e rezultatit, të dhëna të ndryshme nga ato të fletëve të votimit, me qëllim favorizimin e kandidatëve të subjekteve zgjedhore.”
Sipas raportimeve nga KQZ, votat për një kandidat i kanë kaluar një kandidati tjetër brenda partisë ose koalicionit, te dy kandidate ne listen shumeemerore te PD. Në të dyja këto qendra votimi i janë hequr vota kandidatit Ardjan Zeneli dhe i janë shtuar kandidatit demokrat Lefter Gështenja. Përkatësisht Zenelit i janë hequr 31 vota në qendrën e votimit nr. 2780 dhe 38 vota në qendrën e votimit nr. 2796, pra 69 vota gjithsej, shumica dërrmuese prej të cilave i kanë kaluar Gështenjës, 61 vota. Falsifikimi i rezultatit është vënë re nga këqyrja pas zgjedhjeve që ka bërë Komisioni Qendror i Zgjedhjeve.
Gjatë procesit të këqyrjes së fletëve të votimit rezultoi se anëtarët e grupeve të numërimit që kanë numëruar votat për këto qendra, kanë shënuar në tabelën e rezultatit të grupit të numërimit numër më të vogël votash për Lefter Gështenjën nga sa kishte marrë realisht. Lidhur me këtë, të gjithë kanë deklaruar se nuk ka qenë e qëllimshme, por e kanë bërë nga lodhja.
“Unë nuk di të se si është bërë ky ndryshim votash në këtë tabelë rezultati të kësaj kutie votimi, mendoj se do të jetë bërë gabim nga lodhja dhe nga puna e gjatë, tavolina ka qenë e ngushtë , dhe kur ndaheshin fletët për secilin kandidatë mund të jenë ngatërruar. Them se është një pakujdesi”, ka deklaruar njeri prej tyre, argument i perdorur nga pothuajse te gjithe komisioneret.
Të akuzuarit janë 5 mësues, 1 jurist, 1 inxhinier dhe 1 punonjës social, dhe lidhur me partite politike i perkasin: Ylli Kuka, Oltion Bajrami, Durim Alla dhe Algert Alla nga PS, Erald Karriqi dhe Erjon Dashi nga PD, si dhe Eduart Zito dhe Mili Vasku nga LSI. Me vendim te gjykates 24 ore me vone ata kaluan ne arrest banese.
