Nga verifikimi i të dhënave në Formularin e vetëdeklarimit të Z. Tomor Prenjasi, në cilësinë e anëtarit të këshillit të bashkisë Maliq, rezulton se nuk ka dënim me vendim të formës së prerë nga autoritete gjyqësore shqiptare apo të huaja. Gjithashtu në formularin e vetëdeklarimit nuk është paraqitur asnjë rast, ndalimi, hetimi, masë e sigurisë personale, dëbimi nga autoritetet, shqiptare apo të huaja.
Nga shqyrtimi i vërtetimit të gjendjes gjyqësore, të lëshuar nga Drejtoria e Përgjithshme e Burgjeve, rezulton se Z. Tomor Prenjasi, është dënuar me vendim gjyqësor të formës së prerë me 3 (tre) muaj burg, vendimi nr. 75, datë 27.03.1989 i Gjykatës së Rrethit Gjyqësor Korçë për kryerjen e veprave penale, “Dëmtimi me dashje i pasurisë socialiste”, parashikuar nga neni 67/1 dhe 30/dh i Kodit Penal, të para vitit 1995, parashikuar nga Kreu III, Seksioni III i Kodit Penal në fuqi.
Është dënuar me vendim gjyqësor të formës së prerë me 10 (dhjetë) muaj burg, vendimi nr. 213, datë 24.08.1989 i Gjykatës së Rrethit Gjyqësor Korçë për kryerjen e veprave penale, “Plagosje e lehtë me dashje”, parashikuar nga neni 93/1 dhe 31/a i Kodit Penal, të para vitit 1995, parashikuar nga neni 89 i Kodit Penal në fuqi.
Është dënuar me vendim gjyqësor të formës së prerë me 1 (vit) burg, vendimi nr. 275, datë 28.10.1989 i Gjykatës së Rrethit Gjyqësor Korçë për kryerjen e veprave penale, “Sjellje e padenjë në shoqëri”, parashikuar nga neni 129/1 dhe 31/a i Kodit Penal, të para vitit 1995, parashikuar nga Kreu II, Seksioni VIII i Kodit Penal në fuqi.
Referuar germës ç, të pikës 1 të nenit 2, të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, ndalimet për kandidimin, zgjedhjen apo ushtrimin e funksionit zbatohen ndaj personave të cilët janë dënuar me burgim me vendim të formës së prerë për kryerjen me dashje të një krimi ….kur janë dënuar me jo më pak së 6 muaj burgim.
Ligji nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, në nenin 4 të tij parashikon dhe periudhën gjatë të cilës zbatohen dispozitat e këtij ligji për ndalimin, kandidimin, zgjedhjen apo ushtrimin e funksionit, në varësi të llojit të veprës penale të deklaruar.
Mbi këtë bazë KQZ vendosi të shpall të pavlefshëm dhe përfundimin e parakohshëm të mandatit të anëtarit të këshillit të Bashkisë Maliq z. Tomor Ramadan Prenjasi.
Vendimi i plotë i KQZ mund të lexohet & shkarkohet këtu:
