Në raportin vjetor 2024 mbi aktivitetin e vitit 2023 Autoriteti për Informimin mbi Dokumentet e ish-Sigurimit të Shtetit (Autoriteti) thekson:
- Për vitin 2023, vetëm 10 (dhjetë) bashki, nga 61 prej tyre, kanë paraqitur 23 kërkesa për verifikimin e pastërtisë së figures, të 41 shtetasve të propozuar, për 1 kandidat për emërim, ngritje në detyrë dhe 40 kandidatë, në kuadër të dhënies së titujve vendorë të nderit: “Qytetar Nderi”, apo të propozuara për emërtimin e disa hapësirave të territorit public, nga ana e Bashkive. Janë mbyllur procedurat e verifikimit, për 61 shtetas (disa raste janë të mbartura nga viti 2022). Mbi bazën e dokumentacionit të administruar nga Autoriteti, vetëm për 10 (dhjetë) kandidatë (gjithsej janë 14, shtetasit që figurojnë për vitin 2023), për emërtimin e disa hapësirave të territorit publik, apo dekorim e tituj nderi kanë rezultuar dokumente të ish-sigurimit të shtetit në emër të tij, ku të dhjetë figurojnë si Bashkëpunëtorë të ish-Sigurimit, apo dëshmitarë.
- Në total, për periudhën janar – dhjetor 2023, pranë Autoritetit janë paraqitur 124 kërkesa për verifikimin e 232 zyrtarëve, janë verifikuar 257 kandidatë, nga të cilët, vetëm për 14 kandidatë rezultojnë me dokumente, pra figurojnë në dokumente të ish-sigurimit të shtetit, si bashkëpunëtorë, anëtarë të ish-Sigurimit të Shtetit, si Prokurorë dhe dëshmitarë në procese politike dhe nga Autoriteti, janë marrë 91 vendime. Për 10 zyrtarë të tjerë, është vendosur moslegjitimimi i kërkesës për verifikim, për 1 zyrtar është ndërprerë verifikimi me kërkesë nga institucioni, ndërsa për një zyrtar tjetër është vendosur pezullimi për kryerjen e verifikimit, në referencë të kërkesës së vetë institucioneve kërkuese.
- Në raport me të njëjtën periudhë njëvjeçare raportimi, për vitin 2023 ka një rritje në numrin e kandidatëve për verifikim, gjithsej 232 nga 214 të paraqitur në vitin 2022, afërsisht +8.41%. Gjithashtu janë verifikuar 257, nga 210 kandidatë të verifikuar në vitin 2022; pra, për vitin 2023, kemi më shumë kandidatë të verifikuar se në vitin 2022, afërsisht 22.4%. 9 kandidatë kanë rezultuar me probleme, krahasuar me vitin 2022, ku rezultojnë 6 kandidatë, afërsisht 50% më shumë.
- Pranë Autoritetit, gjatë periudhës janar – dhjetor, janë paraqitur katër kërkesa me iniciativë personale për verifikim, nga deputetë në detyrë të Kuvendit të Shqipërisë. Me rastin e zgjedhjeve vendore të datës 14 maj 2023, Autoriteti ka bashkëpunuar me të gjitha partitë politike të regjistruara në zgjedhje, që të merrnin në konsideratë këtë proces të rëndësishëm për integritetin e zgjedhjeve, duke përcjellë shkresat, së bashku me formularët. Pranë Autoritetit, janë paraqitur vetëm dy kërkesa: një, nga kandidati për Këshillin Bashkiak Vlorë, propozuar nga subjekti politik Partia Demokratike dhe tjetra, nga kandidati për Këshillin Bashkiak Krujë. Vijon të mbetet problematikë, mungesa e bashkëpunimit nga ana e subjekteve politike, që çon në moszbatimin e detyrave ligjore të ngarkuara sipas përcaktimeve të nenit 30 të ligjit.
