Procesi zgjedhor po mbyllet. përbërja e parlamentit të ri 2025-2029 është tashmë pothuajse e plotë. Gjatë procesit zgjedhor ISP u angazhua për monitorimin e standardeve të dekriminalizimit dhe të politikës së pastër e me integritet. Referuar gjetjeve të monitorimit nga ISP vlerësojmë:
Partitë politike refuzuan të kryejnë verifikime paraprake të kandidatëve sipas ligjit 138/2015 të dekriminalizimit.- Retorika antikorrupsion e fushatës elektorale nuk u shoqërua me propozime konkrete për reforma, reflektim dhe politikë të duarve të pastra.
- Gjuha denigruese ndaj institucioneve të pavarura, ashtu si edhe nismat politike për “reformimin“ e tyre janë hapa pas në raport me shtetin e së drejtës.
- Disa deputetë të zgjedhur janë në hetime ose të denoncuar për akte korruptive, të cilat nëse provohen, përbëjnë papajtueshmëri me mandatin.
- Numri i lartë i denoncimeve dhe raportimeve për krime zgjedhore mbetet tregues shqetësues i standardeve të zgjedhjeve.
- SPAK dhe PP nxiten të kryejnë hetime të plota, përfshirëse dhe të thelluara strukturore ndaj korrupsionit zgjedhor dhe krimeve elektorale.
- Politikanët e sanksionuar nga qeveria amerikane dhe britanike ishin aktiv në fushatën elektorale, dy prej tyre janë rizgjedhur deputetë.
- Prurjet nga biznesi, nga lidhjet informale apo drejtësia mund të shoqërohen me praktika të konfliktit të interesit, ligjeve të porositura apo abuzimit me funksionin ligjvënës.
ISP po zbaton projektin “Promovimi i llogaridhënies së zyrtarëve të zgjedhur”, me mbështetjen financiare të National Endowment for Democracy (NED).
