Një kryetar tjeter bashkie humbet mandatin për shkak të dekriminalizimit. Sipas Prokurorisë së Përgjithshme, Qerim Ismailaj ka qenë i dënuar me tre vite burg në Greqi për veprën penale të “Konfliktit”/ “Përleshjes”, që parashikuar nga neni 313 i Kodit Penal të Republikës së Greqisë, që i korrespondon veprës penale të “dëmtime të tjera me dashje” parashikuar nga neni 90/1 të Kodit Penal të Republikës së Shqipërisë, e cila si sanksion parashikon dënim vetëm me gjobë”.
Akuza thekson se “Deklaruesi Qerim Ismailaj, me funksion kryetar i Bashkisë Mallakastër, rezulton i dënuar me veprim të formës së prerë, për kryerjen e një vepre penale, nga autoriteti gjyqësor i huaj. Referuar vendimit 9-11/2000 të Gjykatës së Përbërë nën Betim të Chios, i formës së prerë, rezulton se i akuzuar Qerim Ismailaj (në mungesë në gjykim), është deklaruar fajtor dhe është dënuar me 3 vite burgim për veprën penale të “Konfliktit”/ “Përleshjes”, parashikuar nga neni 313 i Kodit Penal të Republikës së Greqisë, që i korrespondon veprës penale të “dëmtime të tjera me dashje” parashikuar nga neni 90/1 të Kodit Penal të Republikës së Shqipërisë, e cila si sanksion parashikon dënim vetëm me gjobë”.
Vlen te theksohet se kjo prove e denimit ishte bere publike nga PD me 10 janar 2020, pra nje vit perpara. Ne ate kohe opozita denoncoi se “sipas vërtetimit me nr. Protokolli 405 të Prokurorisë pranë Gjykatës së Shkallës së Parë Athinë, Qerim Ismailaj, rezulton i dënuar me 3 vjet burgim nga Gjykata e Kios, më datë 25 Shkurt 2000. Ai është dënuar për kryerjen e veprimeve të dhunshme, plagosje (rrahje) dhe nuk e ka vuajtur dënimin për shkak të mosgjetjes në territorin grek.” Krahas denoncimit publik, Partia Demokratike ka depozituar edhe një kallzim në Prokurorin e Përgjithshme.
Vete kryetari i bashkise hodhi poshte akuzat ne janar 2020 duke deklaruar “se per kohen qe kam jetuar dhe punuar si emigrant ekonomik ne Greqi nuk jam arrestuar, ndaluar apo deportuar asnjehere nga policia greke! Lidhur me shkresat e paraqitura sot nuk kam patur dijeni sepse po te kisha, fare thjesht do ti deklaroja ne formularin e dekriminalizimit, pasi vepra dhe koha per te cilen presupozohet te jem i denuar nuk eshte ne kushtet qe te me pengonte kandidimin apo ushtrimin e detyres dhe per kete qellim do te ndjek cdo rruge ligjore per zbardhjen e te vertetes si ketu ashtu dhe ne Greqi!”.
Pas shkreses se Prokurorise, KQZ duhet te shprehet me vendim zyrtar, por referuar legjislacionit mbi dekriminalizimin dhe praktikave te deritanishme, kryebashkiaku Ismailaj pritet te humbase mandatin.
Ky eshte rasti e trete i humbjes se mandatit per nje kryetar bashkie pas zgjedhjeve 2019 pas kryetarit te bashkise Shkoder dhe Vore.
