Procesi i dekriminalizimi nuk është vetëm penalizues, por edhe verifikues në linjat institucionale e ligjore!
Raste kur Prokuroria heton pretendimet e medias, partive, individëve, etj, dhe merr një vendim zyrtar, pavarësisht nëse ai pëlqehet ose jo, produkti është ligjor dhe legjitim. Dekriminalizimi merr në konsideratë edhe të drejtën e individëve të akuzuar për të provuar se nuk janë subjekt i ndalimeve prej dispozitave të tij dhe në këtë mënyrë, për të mbrojtur edhe të drejtën e tyre. Prokuroria mori javën e fundit dy vendime për dy kryetarë bashkie, – duke konkluduar se akuzat ndaj tyre ose nuk janë provuar ose nuk janë të mjaftueshme për të krijuar papërputhshmëri.
Kryetaret e bashkive Librazhd dhe Mat ishin akuzuar me perpara nga individe dhe forca politike per rekorde ligjore te papajtueshme me ligjin 138/2015.
ISP, në kuadër të programit MATRA të MPJ të Holandës është duke monitoruar procesin e dekriminalizimit në Shqipëri dhe në këtë kuadër merr vazhdimisht denoncime nga qytetarë e grupe për individë të veçantë, sidomos zyrtarë të nivelit të lartë dhe të zgjedhur. Prokuroria ka ende dosje pa vendim për disa raste, por ajo që do të ishte ndihmuese në këtë rast është emergjenca që reforma zgjedhore të merrte në konsideratë forcimin e praktikave të dekriminalizimit përmes penalizimit të subjekteve që mbështetin e promovojnë individë të tillë, si dhe hartimi nga MD të regjistrit të individëve të dënuar në vite, – database, e cila ende nuk ekziston!
