Bazuar në ligjin nr. 138/2015, “Për garantimin e integritetit të personave që zgjidhen, emërohen ose ushtrojnë funksione publike”, i ndryshuar dhe vendimin nr. 17/2016 të Kuvendit të Republikës së Shqipërisë, “Për përcaktimin e rregullave të detajuara mbi zbatimin e ndalimeve të parashikuara në ligjin nr. 138/2015, “Për garantimin e integritetit të personave që zgjidhen, emërohen ose ushtrojnë funksione publike” Departamenti i Administratës Publike është organi përgjegjës për marrjen në dorëzim, administrimin dhe përpunimin e formularëve të vetëdeklarimit për nëpunësit në shërbimin civil dhe shërbimin diplomatik, si dhe drejtuesit e çdo niveli në administratën publike të nivelit qendror dhe vendor që nuk përfshihen në shërbimin civil.(shkronja “gj”, e pikës 4, të kreut II, të vendimit nr.17/2016 të Kuvendit të Shqipërisë).
Me hyrjen në fuqi të vendimit nr. 17/2016, të Kuvendit të Republikës së Shqipërisë, DAP ka marrë në dorëzim dhe ka administruar formularët e vetëdeklarimit në përputhje me sa më sipër.
Sipas të dhënave të DAP adresuar për ISP në shtator 2019 rezulton se numri i funksionarëve publikë, të konstatuar në kushtet e ndalimit të ushtrimit të funksionit publik, për shkak të ligjit nr.138/2015, i ndryshuar, është 192 persona, një pjesë e të cilëve ka ankimuar vendimet për sistemit gjyqësor.
Lista e plotë e subjekte vetëdeklaruese pranë organit përgjegjës DAP, të cilët pas verifikimit janë konstatuar në kushtet e ndalimit të ushtrimit të funksionit publik sipas ligjit nr.138/2015, i ndryshuar gjendet bashkëngjitur:
DAP – Lista e subjekteve të gjetura në kushtet e ndalimit me ligjin 138/2015
