Disa media botuan kritika dhe ilustruan dokumente gjyqesore qe deshmonin sipas tyre, se politikani Fitim Zekthi, ish kandidat per deputet dhe sekretar funksional ne PD, ka qene i denuar dhe eshte objekt i ligjit te dekriminalizimit.
Sipas agjensise Citynews.al, në Prokurorinë e Rrethit Gjyqësor, Elbasan, me datë 15 Janar 2003, është referuar për hetime, anëtari i kryesisë së PD-së, njëherësh analisti i sotëm Fitim Zekthi. Sipas një dokumenti me numër 103 i datës 16.01.2003, Drejtoria e Policisë së Qarkut Elbasan, ka referuar në Prokurorinë e të njëjtit qark, materialet në ngarkim të shtetasit Fitim Zekthi, për veprën penale të mashtrimit, parashikuar nga neni 143 i Kodit Penal.
CNA.al publikoi vendimet e Gjykatave me radhë, si vendimin e Gjykatës së Apelit në Durrës dhe vendimin e Gjykatës së Lartë. Sipas saj, Zekthi është dënuar nga Shkalla e Parë në Elbasan dhe më pas dënimi i tij është vërtetuar edhe nga Shkalla e dytë në Apel. Fitimtar Zekthi është dënuar me 6 muaj burgim me vendimin nr.246 date 3.11.2003 të Gjykatës Elbasan, për veprën penale të ‘Mashtrimit” të parashikuar nga n.143/1 K.Penal, vendim i cili ka marrë formë të prerë me datë 11.02.2004. Gjykata e Apelit në Durrës, me vendimin numër 123, datë 07. 04.2008 ka vendosur lënien në fuqi të vendimit penal numër 246, datë 03.11.2003 të Gjykatës së Rrethit Gjyqësor Elbasan. Me anë të vendimit numër 524 të datës 16.10.2009, Gjykata e Lartë ka marrë vendim të mos pranojë rekursin e të gjykuarit Fitimtar Zekthi, duke lënë kështu në fuqi dënimin e dhënë nga Gjykata e Shkallës së Parë në Elbasan dhe të vërtetuar edhe nga Apeli, ku Zekthi dënohej me 6-muaj burg për veprën penale “mashtrimi”.
Vete politikani Zekthi hodhi poshte akuzat, duke deklaruar se “Për disa, për ata që nuk kanë asgjë veç politikës, lufta për pushtet është e paskrupullt. Është një shkrim që qarkullon çdo javë prej katër vitesh nga një portal. Tani po e nxjerrin këta tanët gjasme. Nuk ka asnjë sekret aty se e kam nxjerrë vetë te formulari i dekrininalizimit duke patur parasysh se dekriminalizimi synon krimin dhe trafikun, synon politikanët e korruptuar dhe lidhur me hajdutërinë.
Bëhet fjalë për një gjyq para 20 viteve në mungesë. Gjatë fushatës se vitit 2001, kur Çim Peka punonte me mua dhe ishte në fushatë, dikush i kërkoi drejtuesve të fushatës tonë (nuk po jap emra) një vizë. Drejtuesit e fushatës tonë i thanë dikujt në Tiranë. Unë i dërgova pasaportën të cilën ata e humbën. Une punoja te gazazeta 55 dhe nuk më tha njeri që jam në gjyq. Pas disa vitesh kur isha te gazeta Tema (PD ishte në pushtet dhe nuk i kërkova kujt favor të më jepte një pune si shumë përfitues) më thotë policia se ka një denim ndaj meje.
U interesova dhe u habita që ndërsa isha gazetar prej gati 8 vitesh publikisht, qënkesha dënuar në mungesë. Fitova të drejtën e Apelit duke e rikthyer në Apel. Gjykata e Lartë e pezulloi dhe më pas mora pafajësinë. Ndërkohë me herët ajo edhe u aministua. Kaq ështe kjo çështje. Këta merren me vendimin në mungesë. Le të shohin vendimin e Apelit që më dha të drejtë ta apeloj dhe vendimin e Gjykatës së Lartë.
Vetëm për mashtrim nga ana ime nuk flet vendimi i pafajesisë. Në shkallë të Parë kanë thënë ç’kanë dashur dhe këta miqtë tanë ua hedhin njerëzve si trofe kundër meje. Unë nuk ia kam frikën asgjejë sepse nuk kam vjedhur, nuk kam vrarë, nuk kam marrë prona, nuk kam bërë korrupsion.
Unë qesh me këto luftëra pa moral. Nuk kam dashur të flas për moralin dhe bëmat e të tjerëve, nuk e kam në natyrë, dua vetëm një debat të arsyeshëm dhe etik. por po na shtyjne atje ku nuk duam. Po na tregojnë PD-ne dhe të djathtët, ish komunistët, të korruptuarit.
