Gjykata e Posaçme Kundër Korrupsionit dhe Krimit të Organizuar ka konfiskuar disa pasuri të deputetit të qarkut Berat, Kasëm Mahmutaj. Togat e zeza të së Posacmes vendosën konfiskimin e 2 pasurive të paluajtshme tokë truall, 1 automjet dhe e apartamente në pronësi të deputetit, me dyshimin se e kanë prejardhjen nga aktiviteti kriminal.
Mahmutaj është deputeti i parë i Republikës së Shqipërisë që i konfiskohet pasuria. Pasuritë u konfiskuan me kërkesë të SPAK pasi Kasëmi është vëllai i Gazmend Mahmutaj, subjekt i OFL-së. Me dyshimin se pasuritë e kanë prejardhjen nga aktiviteti kriminal gjykata e Posaçme ka konfiskuar në total 22 pasuri, që janë në pronësi të Gazmend Mahmutaj, familjarëve apo lidhjeve miqësore e shoqërore të këtij subjekti.
Referuar vendimit të gjykatës tre vëllezërve Mahmutaj i janë sekuestruar, një pallat, apartamente automjete dhe disa ndërtesa të cilat janë në proces legalizimi. Pasuritë janë në emër të vëllezërve Gazmend, Behar dhe Kasëm Mahmutaj. Operacioni Forca e Ligjit i dërgoi formularin për deklarimin mbi burimin e të ardhurave Mahmutajt më 18 shkurt të vitit 2020. Ai njihet si person me precendent kriminal. Media raportoi se vëllai i deputetit, Gazmend Mahmutaj me emrin e ndryshuar në Eduart Toska rezulton të jetë shpallur fajtor nga gjykata e Veronës në Nëntor 1993. Ky vendim për akuzën e shfrytëzimit të prostitucionit është konvertuar në Shqipëri me tetë vjet burg në të njëjtin vit. Ndërkohë që ne 2020 pasurite e të dënuarit dhe familjareve të tij u vendosen nën kontrollet e OFL e me pas të kërkimeve të SPAK që shkoi në gjykatë me kërkese bllokimi. Deputetit dhe dy vëllezërve të tij ju është lëne pa konfiskuar vetëm nga një banese që u toleruan nga gjykata për motive sociale dhe strehimi.
Deputeti Mahmutaj eshte zgjedhur ne prill 2021 deputet ne qarkun Berat, ku mori 4267 vota, i renditur i dyti ne listen shumeemerore te PD.
Lidhur me këtë vendim të publikuar ne media, ka reaguar edhe vetë deputeti i cili është shprehur për “5 pyetjet.al” se kishte apeluar vendimin dhe ishte në pritje të procesit gjyqësor. Ai tha se ky vendim kishte prapavijë politike dhe se pasuritë i kishte ndërtuar me mund, pavarësisht dënimit të vëllait të tij, Gazment Mahmutaj me 25 vite burgim për trafikim lëndësh narkotike dhe prostitucion në Itali.
“Procesi vazhdon. Asgjë nuk është mbyllur. Vendimi është i shkallës së parë, jemi në Apel. Ne i kemi të gjitha “OK”-ej. Po vazhdon procesi gjyqësor për paraqitjen e bilanceve dhe të ardhurave. Pra nuk është mbyllur asgjë. Jam ndjerë keq që kur ka filluar kjo procedurë. Jam jashtëzakonisht i shqetësuar. Ç’lidhje kam unë me vëllanë? Unë i kam krijuar nga puna ime, sakrifica ime, ime shoqe, familja komplet. Shpresoj mos të ketë prapavijë politike”-deklaroi Mahmutaj.
