Nga verifikimi i të dhënave në Formularin e vetëdeklarimit të Z. Zija Mema, në cilësinë e anëtarit të këshillit të bashkisë Rrogozhinë, rezulton se është dënuar për veprën penale neni 248 “Shpërdorim Detyre” me vendimin nr.116, datë 23.112009 nga Gjykata e Kavajës.
Nga shqyrtimi i vërtetimit të gjendjes gjyqësore, të lëshuar nga Drejtoria e Përgjithshme e Burgjeve, rezulton se z. Zija Mema “Në bazë të vendimit nr.116 dt.23.11.2009 të Gjykatës së Rrethit Gjyqësor Kavajë është deklaruar fajtor për veprën penale “Shpërdorimit të detyrës” dhe në bazë të nenit 248 të Kodit Penal e dënon me 8 muaj burgim dhe 400.000 lekë gjobë.
Referuar germës b, të pikës 1 të nenit 2, të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, ndalimet për kandidimin, zgjedhjen apo ushtrimin e funksionit zbatohen ndaj personave të cilët janë dënuar me burgim me vendim të formës së prerë për kryerjen me dashje të një krimi …. brenda apo jashtë territorit të Republikës së Shqipërisë, për kryerjen e veprimeve apo mosveprimeve që përbëjnë vepër penale, sipas neneve 110/c, 244, 245, 248, 248/a, 259, 260, 319, 319/ç, apo në fushën e zgjedhjeve, të parashikuar në Kreun X “Vepra penale që prekin zgjedhjet e lira dhe sistemin demokratik të zgjedhjeve”, të Kodit Penal.
Vepra penale “Shpërdorim i detyrës”, parashikuar nga neni 248, 30/1,6 dhe 59 i Kodit Penal, përfshihen, në fushën e ndalimit të ushtrimit të funksionit, të parashkuar të nenit 2, pika 1, germa b e ligjit 138/2015.
Mbi këtë bazë KQZ vendosi të shpall të pavlefshëm dhe përfundimin e parakohshëm të mandatit të anëtarit të këshillit të Bashkisë Elbasan z. Zija Hekuran Mema.
Vendimi i plotë i KQZ mund të lexohet & shkarkohet këtu:
