Referuar të dhënave të deritanishme, 4 deputetë janë detyruar për shkak të presionit të dekriminalizimit dhe akuzave nga Prokuroria të japin dorëheqje nga mandati parlamentar (Frroku, Prenga, Ndoka, Tahiri), 4 deputetë kanë marrë dënime të ndryshme ose janë në proces gjykimi në nivelet e dyta, (të njëjtët), katër deputetëve iu është ndërprerë mandati parlamentar (Rakipi, Selami, Tahiri dhe Rehovica), si dhe një deputet është referuar të marrë mandatin për shkak të dënimit të marrë më parë nga gjykata (Piroli).
Parlamenti gjatë viteve të fundit ka vendosur disa herë të japë miratimin për hetimin ose heqjen e imunitetit për disa deputetë, si dhe për lejimin e arrestimit të tyre, megjithatë rastet e deritanishme janë të pakta në raport me pritshmëritë publike. Analiza e vendimeve të parlamentit për secilin rast tregon se nuk ka pasur një vullnet politik të qartë në mbështetje të parimit që shkelësit e ligjit të përballen me drejtësinë pa përfituar nga mbështetje dhe imuniteti politik. Për shembull, parlamenti refuzoi fillimisht hetimin e dy deputetëve për një incident të dhunshëm të tyre ndaj një deputeti të opozitës, si dhe votoi kundër autorizimit për prokurorinë për lejimin e arrestimit të mundshëm të një deputeti.
Në përfundim, duhet theksuar asnjë prej emrave të mësipërm nuk është përjashtuar nga partia e tyre politike dhe shumica e tyre vijojnë të jenë aktiv në politikë, sidomos në nivelet lokale.
