Partia Demokratike (PD) ka qenë inicuese e ligjit të dekriminalizimi. Ajo ka kërkuar gjithashtu që praktika e vetingut në drejtësi të aplikohet edhe në vetingun në politikë. Ajo është e para parti që tërhoqi një kandidat për kryetar bashkie nga gara elektorale në emër të dekriminalizimi, megjithëse më pas, edhe zyrtarë të saj lokalë u përfshinë në akuza dhe pati edhe një vendimmarrje kundër njërit prej deputetëve pjesë të listës së saj proporcionale. PD ka deklaruar se do të aplikojë standardet e dekriminalizimit edhe në radhët e veta, premtim që ende nuk është zbatuar dhe nuk ka ende një informacion publik mbi ecurinë e tij.
Gjatë nismës së saj për vetingun në politikë PD pati deklaruar se “kapja e qeverisjes nga krimi nëpërmjet përfshirjes së individëve me lidhje të drejtpërdrejtë me krimin e organizuar, në Kuvend, në pushtetin vendor apo në funksione të larta apo funksione kyçe të administratës publike dhe organeve ligjzbatuese, përbën një kërcënim të rëndë për integritetin dhe funksionimin e demokracisë dhe institucioneve demokratike dhe për vetë sigurinë kombëtare. Është e qartë dhe e drejtë se shumica e qytetarëve shqiptarë e konsiderojnë si të papërshtatshëm kontaktin dhe lidhjen e ngushtë midis krimit të organizuar dhe funksionarëve publikë. Për pasojë, në demokraci, duhet garantuar që personat që konsiderohen nga shumica e votuesve si të papërshtatshëm për të vendosur për interesat e tyre, të qëndrojnë jashtë vendimmarrjeve legjislative apo qeverisë. Qëllimi i masave të tilla ka për synim mbrojtjen e funksionimit demokratik të institucioneve nga ndikimi i krimit të organizuar. Është interes i lartë publik që politikbërja dhe vendimmarrja të imunizohen nga ky ndikim”.
Lista e plotë e Këshillit Kombëtar 2019-2023 gjendet në vijim:
