Në përgjigje të shkresës, zyra e gjendjes gjyqësore ka dërguar në KQZ, verifikim i gjendjes gjyqësore për 7 kandidat për anëtar në këshillat bashkiak, sipas të cilës 6 prej tyre rezultojnë të padënuar nga gjykatat shqiptare. Vetëm një prej tyre z. Fatos Sharka rezulton të jetë denuar me vendim gjyqësor të formës së prere nr. 181, datë 21.11.2007 vendimi, të gjykatës së rrethit gjyqësor Lushnjë, me dy muaj burgim dhe me gjobë 300.000 (treqind mijë) lekë, për veprën penale “Shpërdorim detyre”, parashikuar nga neni 248i Kodit Penal. Z.Fatos Sharka për këtë vepër penale është rehabilituarsipas nenit 69 të Kodit Penal.
Referuar germës b, të pikës 1 të nenit 2, të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, ndalimet për kandidimin, zgjedhjen apo ushtrimin e funksionit zbatohen ndaj personave të cilët janë dënuar me burgim me vendim të formës së prerë për kryerjen e veprimeve apo mosveprimeve që përbëjnë vepër penale, sipas neneve 110/c, 244, 245, 248, 248/a, 259, 260, 319, 319/ç, apo në fushën e zgjedhjeve, të parashikuar në Kreun X “Vepra penale që prekin zgjedhjet e lira dhe sistemin demokratik të zgjedhjeve”, të Kodit Penal
Mbi këtë bazë KQZ vendosi të shpall mozgjedhshmërinë si anëtar i këshillit të bashkisë Lushnje të kandidatit të radhës në listën shumemërore të Partisë Socialiste e Shqipërisë, Z. Fatos Ramadan Sharka.
Vendimi i plotë i KQZ mund të lexohet & shkarkohet këtu:
