Nga verifikimi i formularit të vetëdeklarimit, të kandidatit për anëtarë në Këshillin e Bashkisë Lezhë, z. Suri Ramiz Damzi, kandidat për anëtar në Këshillin e Bashkisë Lezhë, të subjektit politik Partia Balli Kombëtar Demokrat, është deklaruar si vijon: në pikën 1 të formularit të vetëdeklarimit (A jeni dënuar ndonjëherë me vendim gjyqësor të formës së prerë nga një autoritet gjyqësor shqiptar ose i huaj?), ka deklaruar se: Me vendimin nr. 151 datë 12.12.2007, të Gjykatës së Rrethit Gjyqësor Lezhë, është dënuar për veprën penale “Vjedhje Energjie”, parashikuar nga neni 137/1 Kodi Penal, dhe ndaj tij është vendosur masa e dënimit 6 (gjashtë) muaj punë; me vendimin nr. 422 datë 25.11.2015, të Gjykatës së Rrethit Gjyqësor Lezhë, është dënuar për veprën penale “Ndërtim i Paligjshëm”, parashikuar nga neni 199/a/1 Kodi Penal, dhe ndaj tij është vendosur masa e dënimit 18 (tetëmbëdhjetë) muaj shërbim prove, etj.
Në zbatim të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike” dhe Kreut V, pika 2, germa b dhe pikës 3, germa c, të vendimit të Kuvendit nr. 17/2016 “Për përcaktimin e rregullave të detajuara mbi zbatimin e ndalimeve të parashikuara në ligjin nr.138/2015”, Komisioni Qendror i Zgjedhjeve, me shkresën nr. 196 prot., datë 13.02.2018, ka kërkuar informacion nga zyra e gjendjes civile dhe me shkresën nr. 197 prot., datë 13.02.2018, ka kërkuar informacion nga zyra e gjendjes gjyqësore, për kandidatin për anëtar në Këshillin e Bashkisë Lezhë, që ka dorëzuar formularin e vetëdeklarimit në Komisionin Qendror të Zgjedhjeve, si dhe ka bërë publikimin e formularit të vëtëdeklarimit në faqen zyrtare të internetit.
Mbi këtë bazë KQZ vendosi të shpall moszgjedhshmërinë si anëtar në Këshillin e Bashkisë Lezhë të z. Suri Ramiz Damzi
Vendimi i plotë i KQZ mund të lexohet & shkarkohet këtu:
