Nga verifikimi i të dhënave në Formularin e vetëdeklarimit të Z. Bibe Kolaj, në cilësinë e anëtarit të këshillit të bashkisë Pukë, si dhe nga shqyrtimi i vërtetimit të gjendjes gjyqësore, të lëshuar nga Drejtoria e Përgjithshme e Burgjeve, rezulton se Z. Bibe Kolaj: është dënuar me vendim gjyqësor të formës së prerë me 4 (katër) vjet burg, për kryerjen e veprave penale, “Vrasje të kryer në bashkëpunim në kapërcim të mbrojtjes së nevojshme”, parashikuar nga neni 83- 25, i Kodit Penal, vendimi nr.55, datë 13.04.2004 i Gjykatës së Rrethit Gjyqësor Pukë. si dhe është dënuar me vendim gjyqësor të formës së prerë me gjobë 80 000 mijë lekë, për veprën penale “Kanosje”, parashikuar nga neni 84 i Kodit Pena, vendimi nr.50, datë 20.07.2006 i Gjykatës së Rrethit Gjyqësor Pukë.
Referuar germës c, të pikës 1 të nenit 2, të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, ndalimet për kandidimin, zgjedhjen apo ushtrimin e funksionit zbatohen ndaj personave të cilët janë dënuar me burgim me vendim të formës së prerë, brenda apo jashtë territorit të Republikës së Shqipërisë për kryerjen e një krimi, që nuk përfshihet në shkronjat “a” dhe “b”, të kësaj pike, për të cilin janë dënuar me jo më pak se 2 vjet burgim.
Mbi këtë bazë KQZ vendosi të shpall të pavlefshëm dhe përfundimin e parakohshëm të mandatit të anëtarit të këshillit të Bashkisë Pukë z. Bibe Kolaj.
Vendimi i plotë i KQZ mund të lexohet & shkarkohet këtu:
