Nga verifikimi i të dhënave në Formularin e vetëdeklarimit të Z. Preng Luli, në cilësinë e anëtarit të Këshillit të Bashkisë Shkodër, si dhe nga shqyrtimi i vërtetimit të gjendjes gjyqësore, të lëshuar nga Drejtoria e Përgjithshme e Burgjeve, z. Preng Luli rezulton të jetë i padënuar nga Gjykatat Shqiptare.
Në Komisionin Qendror të Zgjedhjeve është dërguar shkresa nr. 992/2 prot., datë 02.10.2017 të Prefekturës Qarku Shkodër, me objekt “Për njohje dhe zbatim të Urdhërit të Ekzekutimit nr. 1483 datë 16.09.2017”, të Prokurorisë pranë Gjykatës së Shkallës së Parë Shkodër për z. Preng Ndue Luli.
Sipas shkresës përcillen vendimet për të cilat është gjykuar Anëtar i Këshillit të Bashkisë Shkodër, z. Preng Luli.
Për z. Preng Luli rezulton të ketë: një vendim gjyqësor të Gjykatës së Rrethit Gjyqësor Shkodër nr. 748 (3822) datë 28.09.2015, për kryerjen e veprave penale, “Falsifikim i dokumenteve”, parashikuar nga neni 186/3, i Kodit Penal, nëpërmjet së cilit është shpallur i pafajshëm; një vendim gjyqësor të Gjykatës së Apelit Shkodër nr. 533 datë 07.12.2016, për kryerjen e veprave penale, “Falsifikim i dokumenteve”, parashikuar nga neni 186/3, i Kodit Penal, nëpërmjet së cilit është deklaruar fajtor, dhe është dënuar me 3 (tre) vjet burgim, në aplikim të Nenit 406 K.Pr.P i është zbritur 1/3 e dënimit dhe është dënuar përfundimisht me 2 (dy) vjet burgim dhe i është hequr e drejta për të ushtruar funksione publike për një periudhë 2 (dy) vjeçare, si dhe një vendim gjyqësor të Gjykatës së Lartë nr. 00 – 2017 – 501 (87) datë 08.06.2017, për kryerjen e veprave penale, “Falsifikim i dokumenteve”, parashikuar nga neni 186/3, i Kodit Penal, e cila ka vendosur lënien në fuqi të vendimit të Gjykatës së Apelit.
Mbi këtë bazë KQZ vendosi të shpall të pavlefshëm dhe përfundimin e parakohshëm të mandatit të anëtarit të këshillit të Bashkisë Shkodër z. Preng Luli.
Vendimi i plotë i KQZ mund të lexohet & shkarkohet këtu:
