Kreu i Grupit Parlamentar Taulant Balla u ka bërë thirrje ish- bashkëpunëtorëve të sigurimit që të mos futen në listat e zgjedhjeve të 14 majit.
Në një intervistë për Euronews Albania, ai tha se nëse futen në lista dhe zbulohen se kanë qenë pjesë e sigurimit do të humbin mandatin por edhe do të deskriditohen publikisht.
“Thirrja ime për ish-bashkëpunëtorët e sigurimit të shtetit është që të mos tentoni që të hyni nëpër lista këshillash, primare apo për kandidat për zgjedhjet e 14 majit sepse do të humbni mandatin tuaj dhe do të deskriditoheni publikisht në rast se tentoni që të hyni. Do të bëhet transparenca e secilit prej tyre.”- tha ai.
Nderkohe qe nje tjeter deputet, tashme i opozites, Kreshnik Çollaku deklaroi ne konference shtypi se ka depozituar pranë zyrës së protokollit të Kuvendit kërkesën e verifikimit nëse që nga marsi i 91 deri më sot ka pasur bashkëpunëtorë apo elemente në shërim të ish bashkëpunëtoreve të sigurimit të shtetit.”- tha Çollaku. Në zbatim të dispozitave ligjore si dhe në mbështetje të neneve 8 dhe 10 të ligjit nr. 8550, datë 18.11.1999 “Statusi i Deputetit”, kërkoi nga Autoriteti i Dosjeve vënien në dispozicion të një kopje të plotë të dokumenteve dhe informacioneve që dispononi lidhur me të gjithë deputetët e Kuvendit të Shqipërisë, që kanë qenë të zgjedhur në legjislaturat parlamentare për periudhën 1991 – 2023. Sjell në vëmendjen tuaj, se neni 8, paragrafi i dytë i ligjit nr. 8550/1999, përcakton një afat 15-ditor për kthimin e përgjigjes, megjithatë duke pasur parasysh volumin e informacionit të kërkuar, mirëkuptoj kohën e nevojshme shtesë që mund t’iu duhet për përgatitjen e përgjigjes.”- tha Çollaku.
Sipas ISP, apeli i PS, kerkesa e PD dhe ne teresi deklaratat politike kunder perfshirjes ne politike te ish bashkepunetoreve te Sigurimit te Shtetit jane mesazhe pozitive dhe duhen mbeshtetur, pavaresisht interesave politike te seciles pale. ISP eshte duke monitoruar zgjedhjet ne partite politike dhe integritetin e kandidateve, si nje standard per nje politike te paster, mbeshtetur nga NED.
