Në argumentim të përshtatshmërisë së masës së sigurimit me shkallën e nevojave të sigurimit, ky Kolegj vlerëson se, nevojat e sigurimit për të dyshuarin Armando Prenga janë ende të pranishme, pasi vazhdojnë të ekzistojnë kushtet e parashikuara në pikën “a” dhe “c” të nenit 228/3 të Kodit të Procedurës Penale, e konkretisht ekzistenca e shkaqeve të rëndësishme që vënë në rrezik marrjen ose vërtetësinë e provës, si dhe ekzistenca e rrezikut që, për shkak të rrethanave të faktit dhe të personalitetit të shtetasit nën hetim, ky i fundit mund të kryejë krime të rënda ose të të njëjtit lloj me atë për të cilin procedohet
Në këto kushte, Kolegji Penal vlerëson se në ngarkim të shtetasit Armando Prenga, vazhdon të ekzistojë dyshimi i arsyeshëm, i bazuar në prova se mund të ketë kryer veprat penale për të cilat hetohet, dhe nuk rezulton të jenë zbutur nevojat e sigurimit personal, ashtu sikurse nuk rezulton që masa “Arrest në burg” të mos vazhdojë t`i përgjigjet si rëndësisë së faktit, po ashtu edhe dënimit potencial që mund të vendoset, në kuptim të nenit 260/2 të K.Pr.Penale.
Për gjithë sa më sipër, Kolegji Penal vlerëson se kërkesa për zëvendësimin e masës së sigurimit të caktuar për shtetasin Armando Prenga nga “Arrest në Burg” në “Detyrim paraqitje”, është e pabazuar në ligj dhe për këtë shkak ajo duhet të rrëzohet.
Vendimi i plotë mund të lexohet & shkarkohet këtu:
