Nga shqyrtimi i procesit të verifikimit të kryer nga Prokuroria e Përgjithshme rezulton se ndaj z. Shkëlqim Selami është vendosur masë shtrënguese e sigurisë personale, në shtetin Italian “Arrest në Burg” për veprën penale të “Organizatës kriminale, me qëllim favorizimin e hyrjes ilegale të shtetasve ekstrakomunitarë”, parashikuar nga neni 416 i Kodit Penal Italian, vendim i cili eshte vene ne ekzekutim nga shteti Italian në 31.08.2006.
Vepra penale “Trafikimi i personave të rritur” të parashikuar nga Kodi Penal Shqiptar në nenin 110/a, përfshihet, në fushën e ndalimit të ushtrimit të funksionit, të parashkuar të nenit 2, pika 1, germa a e ligjit 138/2015.
Prokuroria e Përgjithshme në rezultatet e verifikimit nuk ka pasqyruar asnjë të dhënë në lidhje me vendimin përfundimtar, të Gjykatës së Shkallës së Parë të Brindisit në lidhje me veprën penale, të “Organizatës kriminale, me qëllim favorizimin e hyrjes ilegale të shtetasve ekstrakomunitarë, për të cilën është vendosur masë shtrënguese e sigurisë personale. Referuar vendimit të Gjykatës së shkallës së parë të Brindisit të cilin z. Selami e depozitoi në KQZ, rezulton se procedimi penal, ndaj z. Shkëlqim Selami për veprën penale, të “Organizatës kriminale, me qëllim favorizimin e hyrjes ilegale të shtetasve ekstrakomunitarë, është pushuar, për shkak të parashkrimit të veprës penale.
Referuar germës a, të pikës 2 të nenit 2, të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, ndalimet për kandidimin, zgjedhjen apo ushtrimin e funksionit zbatohen edhe ndaj personave për të cilët është vendosur masë sigurimi personal, për vepra penale të cilat janë parashikuar nga pika 1, germa a e këtij neni, nga autoritet gjyqësore të një shteti anëtar të BE-së,….
Vendimi i plotë i KQZ mund të lexohet & shkarkohet këtu:
