Në raportin vjetor 2018 të Prokurorisë së Përgjithshme, paraqitur në Kuvend theksohet se:
“Sektori i Verifikimit të Integritetit të personave që zgjidhen, emërohen ose ushtrojnë funksione publike”, në Prokurorinë e Përgjithshme ka filluar funksionimin pas hyrjes në fuqi të ligjit 138/2015 “Për garantimin e integritetit të personave që zgjidhen, emërohen ose ushtrojnë funksione publike” dhe Vendimit të Kuvendit të Republikës së Shqipërisë nr. 17/2016. Ky sektor vijon të jetë pjesë e Drejtorisë së Marrëdhënieve Juridiksionale me Jashtë dhe në përbërje ka prokurorë dhe oficerë të policisë gjyqësore.
Në vijim të punës së këtij sektori për vitin 2018, janë administruar 185 raste për verifikim të thelluar. Departamenti i Administratës Publike ka kërkuar verifikim të thelluar për 137 subjekte.
Komisioni Qendror i Zgjedhjeve ka kërkuar verifikim të thelluar për 5 subjekte.
Kuvendi i Shqipërisë për vitin 2018, ka kërkuar verifikim për 43 subjekte vetëdeklaruese.
Për vitin 2018, në total për 147 subjekte vetëdeklaruese është përfunduar verifikimi dhe janë përcjellë rezultatet e verifikimit. Kërkesat e tjera prej 30 rastesh vijojnë të jenë në proces verifikimi brenda afatit ligjor të kryerjes së verifikimit, të përcaktuar në Ligjin Nr. 138/2015 dhe vendimin Nr. 17/2016 të Kuvendit të Shqipërisë.
Ndërkohë, Sektori i Verifikimit të Integritetit, 8 praktika ka vendosur t’u ndërprerë procesin e verifikimit pasi ka rezultuar që nuk kanë qenë më subjekte vetëdeklarimi sipas ligjit Nr. 138/2015.
5.2 Për 39 subjekte, Sektori i Verifikimit të Integritetit në Prokurorinë e Përgjithshme ka vendosur se përfshihen në fushën e veprimit të nenit 2 të ligjit 138/2015 si dhe Vendimit të Kuvendit Nr. 17/2016.
– Për 8 subjekte ose 20.5 % të rasteve, përfshihen në fushën e veprimit të nenit 2, pika 1, germa a) të ligjit 138/2015, “Për garantimin e integritetit të personave që zgjidhen, emërohen ose ushtrojnë funksione publike”.
– Për 1 subjekt ose 2.5 % të rasteve, përfshihet në fushën e veprimit të nenit 2, pika 1, germa b) të ligjit 138/2015.
– Për 8 subjekte ose 18 % të rasteve, përfshihen në fushën e veprimit të nenit 2, pika 1, germa c) të ligjit 138/2015.
– Për 14 subjekte ose 36 % e rasteve, përfshihen në fushën e veprimit të nenit 2, pika 1, germa ç) të ligjit 138/2015.
– Për 8 subjekte ose 20.5 % të rasteve, përfshihen në fushën e veprimit të të Vendimit Nr. 17/2016 të Kuvendit të Shqipërisë për arsye të mosdeklarimit të të dhënave në lidhje me dënimet penale.
Raporti i plotë i Prokurorisë mund të lexohet & shkarkohet këtu:
